BAT komunitatean dago behar duzuna.
Eta emateko duzuna interesatzen zaigu!

Startup-ak
Korporazioak
Inbertsiogileak
Ikastegiak
Eragile zientifiko-teknologikoak

Zer dugu zuretzat?

Aholkularitza eta jarraipen pertsonalizatua, BAT tresnen bitartez zeure proiektua hurrengo mailara eraman dezazun

Aholkularitza eskaintzen dizugu, eta zure proiektua bizkortzen lagunduko dizugu

Aholkularitza- eta bizkortze-zerbitzua

Urtean 20 aholkularitza-ordu doan startup-entzat. Zure startup-ari hazten laguntzeko ibilbide-orria diseinatuko dugu elkarrekin, eta zeure sektoreko hainbat profil profesional izango dituzu eskura. Bizkortze programak, matchmaking-a, nazioarteko mugikortasuna eta orotariko ekitaldiak. Baita hornitzaileekin harremana egiteko aukera, aholkularitza fiskal zein legala eta gestoria-zerbitzua ere.

Merkatua zeure eskura

Matchmaking korporazioak eta berrikuntza irekia

Lider diren korporazio eta partner teknologikoekin partekatuko duzu denbora eta espazioa, zeure produktuak probatzeko, merkatuaren potentziala ezagutzeko edota erreferentziak eskuratzeko. Gainera, BAT komunitateari atxikita dauden korporazioek berrikuntza irekiko erronkak partekatuko dituzte eta beren beharrei erantzuteko gai diren startup-ak bilatuko dituzte. Abagunea aprobetxatzeko leku eta une egokian egongo da zure proiektua!

Finantzaketa

Hazteko aukerak eta finantzaketa

BAT komunitateak aukera ematen du hainbat finantzaketa-eragilerekin harremana egiteko. Laguntza eta babes publikotik hasi, eta inbertsio-fondoen kapital pribatura bitarte; business angel eta crowfunding plataformez osatutako sare oparoa izango duzu eskura.

Doako prestakuntza

Ikasi sektorean lider diren espezialistarik onenekin

Doako prestakuntza-ekintzetan parte hartzeko aukera, zeure beharren arabera, proiektua edozein fasetan dagoela ere.

Networking-a, ikusgaitasuna eta nazioarteko konexioa

Egunean egotea, aitortza eta munduarekiko lotura

Networking ekitaldi eta guneetan parte hartzeko aukera izango duzu, nagusi diren joeren berri izateko eta lankidetza aukera berriak bilatzeko. Ikusgaitasuna areagotuko duzu, eta nazioarteko ekosistemarekin lotuko zaitugu; bertan aurkituko dituzu partner-ak, hornitzaileak, balizko bezeroak edo zure taldean falta diren profilak.

Lehen mailako espazioa eta azpiegiturak

Komunitatean partekatzeko eta lankidetza sustatzeko espazioak

Zure proiektuari hazten laguntzeko behar dituzun azpiegiturak, espazioak, baliabide teknikoak eta ekipamenduak izango dituzu eskura. BAT komunitatearen berezko espazioak zein atxikitako eragileen (korporazioak, zentro teknologikoak, …) azpiegiturak erabili ahal izango dituzu.

Babes publikoa

Administrazioa, inoiz baino hurbilago

Leihatila bakarreko zerbitzua izango duzu eskura, zentroan bertan aurrez aurreko arreta jasotzeko; horrela, erabilgarri dauden laguntza eta babes-programa guztien berri izango duzu eta horiek nola eskuratu azaldu ahal izango dizute. Sarrera bakarrean, hainbat eragile publikoren laguntzak kontsultatu ahal izango dituzu (Europako Funtsak, BFA eta BEAZen babesak, Bizkaia Talent, Seed Capital eta askoz gehiago).

Ezagutu martxan dauden programak eta iritsiko direnak

Programak ikusi

Zer espero dugu zugandik?

Ekosistemarekin lankidetzan aritzea, korporazioak ezagutzeko aukera aprobetxatzea eta horien beharrizanak ulertzea, biek ala biek lehiakortasuna hobetzen lagunduko duten soluzioak topa ditzazuen.
Esku artean dituzun soluzioak eta aurrez aurre dituzun erronkak networking jardueretan partekatzea.
Startup-ei zuzendutako zerbitzuak etengabe hobetzen eta komunitatearen barneko harremanak sendotzen laguntzea.

Badakigu gure komunitatearen funtsezko pieza izan zaitezkeela

Jarri gurekin harremanetan BAT-i buruz gehiago jakiteko!

BAT taldearekin harremanetan jarri

Zer dugu zuretzat?

Startup batek berezko duen arintasunaz lan egin ahal izango duzu, eta zeure enpresarentzako soluzioak aztertu eta jorratu ahal izango dituz

Berrikuntza irekia

Eman konponbidea zeure egungo erronkei, eta hartu aurrea etorkizunekoei

Berrikuntza irekiari esker, hartu aurrea arazoei. Eskura izango dituzu bai ekintzailetza, bai teknologia, bai berrikuntza, beharrezkoak diren aliantzak ezar ditzazun eta soluzio disruptiboak gara ditzazun. Hau da startup-ekin, nazioarteko ekosistemekin eta askotariko eragileekin harremanetan egoteko leku egokia. Hackathons, Open Innovation Challenges eta Global Scans edo demo day ad-hoc, gako diren kolaboratzaileekin elkarguneak sortzeko.

Aukerak bilatzea. Global Scans.

Zeure berrikuntza-erronkei aurre egiteko behar dituzun startup-ak identifikatzen eta aurkitzen lagunduko dizugu; izan ere, ekintzailetza globaleko 140 hub-ekin konektatuta gaude horretarako.

Zure enpresaren erronken eta zure berrikuntza irekiko ereduaren arabera, tokiko zein nazioarteko ekosisteman startup-ak bilatzen lagunduko dizugu Global Scans-en bidez. BAT komunitatea 140 ekintzailetza-hub baino gehiagorekin konektatuta dago; horietan topatuko duzu behar duzun talentua.

Komunitatea eta radarra

Radarra dugu munduko zenbait leku estrategikotan, zure enpresarentzat gako diren aukerak agertzen direnean “abisua” eman dezan.

Komunitatean balio erantsia eman diezazuketen startup eta soluzio berriei buruzko informazioa emango dizugu etengabe, eta horiekin harremanetan jarriko zaitugu. Gainera, espezialista gisa parte hartu ahal izango duzu programetan, startup-ei laguntzeko eta horiek zuzenean ezagutzeko. Hasierako screening-ari eta 140 ekintzailetza-hub baino gehiagorekin dugun konexioari esker, zure erronkei erantzuna emateko soluzioz beteriko unibertsorik handiena izango duzu eskura, matchmaking baliagarria egiteko lanean ari baikara etengabe.

Ezagutza eta talentua

Behar duzun talentutik hurbilago egoten lagunduko dizu komunitateak.

Tokiko zein nazioarteko ekosisteman talentua bilatzen lagunduko dizugu. 140 hub baino gehiagotan parte hartzeko aukera; talentu-beharrizanak asetzeko behar izan ditzakezun profil eta ekipoekin harremanetan jartzeko bidea emango dizu horrek. Ezagutzari lotutako eragileen ikerketa-taldeekin harremanetan jarriko zaitugu, soluzio berriak bilatzen eta etorkizunean zure balio-katea edo produktu/zerbitzua eralda lezaketen kezkak argitzen lagun diezazuten.

Networking-a, ikusgaitasuna eta nazioarteko konexioa

Ingurune global eta dinamikoa, soluzioak eskura izateko

140 ekintzailetza-hub baino gehiagorekin konektatuta egongo zara; bertan aurkituko dituzu zure berrikuntza-erronketan lagungarri izan daitezkeen startup-ak, partner-ak eta talentua. Gainera, zuzeneko zein zeharkako misioetan parte hartu ahal izango duzu, urtero nazioarteko beste ekintzailetza-hub batzuk ezagutzeko. Ekitaldiei esker, zuzenean ezagutu ahal izango dituzu zure sektorean nagusi diren joera teknologikoak, eta hurbilago izango dituzu talentua nahiz zure erronkei erantzuteko aproposa den ezagutza espezifikoa. Bertan topatuko dituzu beharrezko izan ditzakezun profilak ere.

Lehen mailako espazioak eta azpiegiturak

Lankidetza bultzatzeko espazioa

Zure eskura jarri nahi dugu berrikuntza irekiko proiektuak gauzatzeko inguru aproposa, eragileen arteko konexioa eta lankidetza errazte aldera.

Ezagutu martxan dauden programak eta iritsiko direnak

Programak ikusi

Zer espero dugu zugandik?

Startup-ei beren soluzio eta proiektuak probatzen, garatzen eta bizkortzen laguntzea.
Zure erronken sustapena egiteko gure sarearen babesa jasotzea, eta startup-ak identifikatzeko eskaintzen ditugun kanalak erabiltzea.
Startup-ekin kolaboratzea eta horiek ezagutzeko orduan era proaktiboan jardutea; horiekin batera lan egitea eta zure kezka, erronka eta beharrizanak haiekin partekatzea, soluzio bateratuak identifikatu ahal izateko.
Zeure ekitaldi propioak sustatzeko orduan komunitatearen zein espazioaren babesa jasotzea, eta sektorearen inguruan duzun ezagutza behar duten saio espezifikoetan laguntza eskaintzea.

Badakigu gure komunitatearen funtsezko pieza izan zaitezkeela

Jarri gurekin harremanetan BAT-i buruz gehiago jakiteko!

BAT taldearekin harremanetan jarri

Zer dugu zuretzat?

BAT komunitatearen parte izateak talentuarekin eta potentzial handiko startup-ekin konektatzen zaitu, aukerak sortuko dituen ekosistema dinamiko batean

Radar global bat zure eskura

BAT komunitateak zein atxikitako zentro guztiek eskaintzen dituzten aukerak eskuratzeko abagunea

Inbertsiogile gisa, zentroaren ekosisteman parte hartu ahal izango duzu eta zuzenean ezagutu ahal izango dituzu tokiko zein nazioarteko sarean bildutako startup-ak. Ekosistemari atxikitzen zaizkion proiektuei buruzko informazioa emango dizugu etengabe, espezializazio-sektorea, teknologia, soluzioak eta abarrak adierazita. Eraikitzen ari den sareari eta sortzen diren babes-tresnei esker, gero eta handiagoa da finantzaketa-bolumena.

Networking-a eta ikusgaitasuna

Dealflow-a eskuratzeko, hurbilketa errazteko eta ikusgaitasuna areagotzeko aukera bikaina.

Zentroak antolatzen dituen ekitaldi eta jarduera guztietan parte hartu ahal izango duzu, baita BAT komunitatearen tokiko zein nazioarteko sarean biltzen den ekintzailetza-ekosistema osoan ere. Gainera, BAT komunitateko kidea izanik, ikusgaitasun handiagoa izango duzu dinamizazio- eta komunikazio-ekintzetan, eta prestakuntza-jardunaldi eta -dinamiketan parte hartu ahal izango duzu.

Lehen mailako espazioak eta azpiegiturak

Komunitatearekin espazioak partekatzeko aukera ere izango duzu

BAT komunitateak, zentroarekiko lotura eskaintzeaz gain, zentroko kideentzat eskuragarri dauden espazioetara iristeko aukera ere emango dizu.

Ezagutu martxan dauden programak eta iritsiko direnak

Programak ikusi

Zer espero dugu zugandik?

Prestakuntza- eta dibulgazio-ekintzetan parte hartzea: Hizlari gisa parte hartzea, zentroak urtero antolatzen dituen lau ekimenetan (prestakuntza, ekitaldia edo mahai-ingurua). Horien formatua zehazteke dago, eta edukia adosteke.
Ekosistemari balioa ematea, zure ezagutzaren, esperientziaren, babesaren, kontaktu-sarearen, jardunbide egokien eta abarren arabera.
Zentroan bertan eta/edo haren kanalen bitartez jarduera propioak garatzea (adib. finantzaketa-txandak garatzea).

Badakigu gure komunitatearen funtsezko pieza izan zaitezkeela

Jarri gurekin harremanetan BAT-i buruz gehiago jakiteko!

BAT taldearekin harremanetan jarri

Zer dugu zuretzat?

Biderkatu zeure talentuaren aukerak eta babestu berrikuntza- eta ekintzailetza-ekosistemaren garapena.

Merkaturako transferentzia

Merkatutik are hurbilago egongo zara

BAT komunitateko kide izanik, etengabeko harremana izango duzu hainbat neurritako enpresa eta sektoreekin, baita startup-ekin ere; horrela, zeure prestakuntza-programak egokitu ahal izango dituzu, eta zeure talentua merkatuan txertatzeko aukera izango duzu.

Nazioarteko sarea zure ikasle, ikertzaile eta irakasleen eskura

Nazioarteko aukerak era esponentzialean ugarituko dira

BAT komunitatearekin konektatuta dauden gainerako sareekin bat egingo du zure sareak. Nazioarteko ikusgaitasuna handitu egingo da eta zure erakundera ikasleak, irakasleak zein proiektu interesgarriak erakartzen jarraitu ahal izango duzu. Gainera, BAT komunitateari atxikita dauden enpresekin, ekintzailetza-ekosistemak bisitatzeko aukera izango duzu.

Ikusgaitasuna, networking-a eta eragina

Berrikuntzaren eta ekintzailetzaren alde are gehiago egiteko gai izango zara

Errazago eragin ahal izango duzu berrikuntzaren kulturan. Gure ekintzailetza-ekosistema sendotzeko zein haren eraginkortasun eta koordinazioa hobetzeko funtsezko eragilea izango zara. Zentroan antolatzen diren ekitaldietan, prestakuntza-jardueretan eta saio tematikoetan parte hartzeko aukera izango duzu.

Lehen mailako espazioak eta azpiegiturak

Espazioen eskaintza osatu ahal izango duzu.

Irakasleei eta ikertzaileei, ekintzaileei, ekintzailetza- zein berrikuntza-arloko unitateetako gerenteei eta abarrei zuzendutako coworking guneetan eta bulegoetan parte hartzeko aukera eskaini ahal izango duzu.

Ezagutu martxan dauden programak eta iritsiko direnak

Programak ikusi

Zer espero dugu zugandik?

Urtero BAT komunitatearen espezializazio-ardatzekin lerrokatutako dibulgazio-saioak antolatzea, ikerketa-taldeen edo doktoregaien eskutik.
Komunitatearen eta zure nazioarteko sareen zein kanpoko aliantzen arteko lotura ahalbidetzea.
Zentroko kideen (korporazioak, inbertsiogileak, etab.) eta zure prestakuntza-zentroaren baitan haziz doazen ikerketa-taldeen zein startup-en arteko lotura erraztea.
Berrikuntza-eta ekintzailetza-kultura sustatzea.
Zentroan talentua erakartzeko eskaintzen diren zerbitzu eta programei balioa ematea.

Badakigu gure komunitatearen funtsezko pieza izan zaitezkeela

Jarri gurekin harremanetan BAT-i buruz gehiago jakiteko!

BAT taldearekin harremanetan jarri

Zer dugu zuretzat?

Sobera ezagutzen dituzue lankidetzan aritzearen abantailak; hemen, ugaritu egingo dira plataformak lankidetza baliotsuak bultzatzeko dituen aukerak.

Merkaturako transferentzia

Zure proiektuen aplikazioa inoiz baino hurbilago

Zentroari esker, errazagoa izango da ezagutzak eta esperientziak partekatzea, baita ezagutza eta gaitasun teknologikoak ekoizpen-sarera transferitzea ere. Gainera, zure proiektuak aberasteko baliagarriak izango diren enpresa eta startup-ekin harremana egiteko aukera izango duzu.

Aparteko finantza-baliabideak

Finantzaketa arloan ere indarrak bateratzeko aukera

Baliabide gehiago bideratu ahal izango dituzu berrikuntza-proiektuetara, eta, horrela, berrikuntza-proiektuei bultzada eman ahal izango diezu nazioartean.

Zure proiektuei nazioartean bultzada emateko sarea

BAT komunitateari atxikitako sareen bitartez, jauzi garrantzitsua egingo dute zure proiektuek

Handitu egingo da zure nazioarteko ikusgaitasuna, eta nazioartera zabaldu ahal izango dituzu berrikuntza-proiektuak. Gure ekosistema eta guneez baliatzeko aukera eman ahal izango diezu zeure ikerketa-taldeei eta hasi berri diren enpresen proiektuei (azpiegiturak erabiltzeko aukera, ekosistemarako sarbidea, etab.). BAT komunitateari atxikita dauden enpresekin, ekintzailetza-ekosistemak bisitatzeko aukera izango duzu.

Ikusgaitasuna eta networking-a

Eragin handiko kanal estrategikoa izan daiteke BAT komunitatea, berrikuntza- eta ekintzailetza-arloan duzun jardueraren berri zabaltzeko.

BAT komunitatean antolatzen diren ekitaldi, saio eta jardueretan parte hartzeko aukera izango duzu, eta horrek erraztu egingo du lankidetza-aukerak identifikatzeko bidea.

Lehen mailako espazioak eta azpiegiturak

BAT komunitateko partner-ekin espazioak partekatzeko aukera izango duzu

Coworking guneez, bulegoez eta bestelako azpiegiturez baliatzeko aukera izango dute sustatzen dituzuen proiektuetako langileek.

Ezagutu martxan dauden programak eta iritsiko direnak

Programak ikusi

Zer espero dugu zugandik?

Urtero dibulgazio-saioak antolatzea, zure zentroko espezialista adituen eskutik.
Komunitatearen eta zure nazioarteko sareen zein kanpoko aliantzen arteko lotura ahalbidetzea.
Beharra duten eta hala eskatzen duten startup-ei azpiegitura eta ekipamendu espezializatuak eskaintzeko prest egotea (laborategiak, etab.).
Berrikuntza-eta ekintzailetza-kultura sustatzea.
Enpresa eta startup-ei zuzendutako aholkularitza-zerbitzu eta -programetan laguntzea, gai, sektore eta soluzio zehatzetan duzun ezagutza eta esperientziaz baliatuta.

Badakigu gure komunitatearen funtsezko pieza izan zaitezkeela

Jarri gurekin harremanetan BAT-i buruz gehiago jakiteko!

BAT taldearekin harremanetan jarri

No te pierdas nada de lo que ocurra en BAT

crossmenu