Community Breakfast by Kaiku: MU Enpresagintza

Ekainaren 2an, 9:00etatik 9:45era, Community Breakfast by Kaiku ekimenaren edizio berri bat ospatuko dugu Community Kitchen-en (7. solairua), Mondragon Unibertsitatea – Enpresagintzarekin batera.
Topaketa honetan, BATeko enpresen eta hainbat gradutako ikasleen arteko lankidetza aukerak aztertuko ditugu, etengabeko eraldaketak, AAk (Adimen Artifiziala), Greentech erronkak eta aldaketa demografikoek markatutako testuinguruan.
Mondragon Unibertsitateak ikuspegi argia du: erronka hauei aurre egiteko bidea lankidetza eta gazte talentuaren sustapena dira. Enpresa kudeaketaren, Business Data Analytics-aren eta ekintzailetzaren bidez, enpresen lehiakortasuna indartzeko benetako sinergiak nola sortu ezagutuko dugu.
Enpresa eta talentua konektatzeko, elkarrekin ikasteko eta etorkizuna sarean eraikitzeko aukera paregabea.