Digital Solutions for Grid Capacity Modelling

Iberdrolak, PERSEO Start-ups Programaren bidez, konponbide digitalak bilatu nahi ditu bere sarean eskari- eta sorkuntza-, autokontsumo, biltegiratze eta sarbide-malgutasun egoera berriak modelatu ahal izateko. Puntu guzti hauek, hamar urte arteko epean, bere portaera operatiboa iragartzeko, inbertsioak sare horren gaitasuna bermatzeko eta elektrizitatea banatu ahal izateko planifikatu nahi da.

Beste gauza batzuk kontuan hartuta ere, eszenatoki hauek puntu hauen eboluzio eta geolokalizazioa kontuan hartu beharra dute:

● Egungo eskari eta sorkuntza elektrikoa eta autokontsumoa.
● Biltegiratze elektrikoa (etxekoa, industriala, utiliy, bess...).
● Sortzen ari diren eskari berriak (epe laburrean): mugikortasun elektrikoa, beroa eta hotza, egungo industria-prozesuen deskarbonizazioa, etab.
● Epe ertain eta luzerako eskari berriak: elektrifikazio digitala, kontsumo berriak eta garapen teknologikoei lotutako belaunaldiak eta/edo sortzen ari diren enpresa-negozio ereduak (adib.: adimen artifiziala, e-fuel-ak, hidrogeno berdea, etab.).

Hau kontuan izanda, positiboki baloratuko da proposamenek puntu hauek betetzen badituzte:

● Ikaskuntza automatikoko metodoak edo algoritmia proposatzea epe ertain/luzeko agertokiak sortzeko eta baliozkotzeko, aurreikusitako eskarietan oinarritutako sarearen beharrak planifikatzeko, granularitate-maila desberdinekin, eta sarearen benetako eragiketaren datuek, aldi berean, informazio-sistema elikatzeko aukera ematea aurreikuspen-ereduak erabiltzeko.
● Algoritmo horiek gaur egungo simulazioen aurrean aplikatzea, datu historikoetatik eta iragartzeko ereduak dituzten simulazioetatik abiatuta, dauden faktoreen araberako parametrizazioa barne, bai eta faktore publikoak ere, ekonomikoak, industrialak, jasangarriak eta administratiboak, besteak beste.
● Granularitate-maila desberdinetako sarearen beharrezko gaitasun georreferentziatu gehigarria aztertzea, bai eta dagoen gaitasuna hobeto aprobetxatzea ere, eskura dagoen malgutasunarekin.
● Atzematen ari ez diren beste datu garrantzitsu batzuk identifikatzea, sarearen egungo digitalizazio-egoeraz gain (kontagailu adimendunak, azpiestazio primarioak eta sekundarioak (transformazio-zentroak BTra).