Community Breakfast ekitaldiaren edizio berri honetan, BCE 2026 (Basque Country Entrepreneurship) programaren hirugarren edizioan parte hartzen duten nazioarteko 10 startupak gertutik ezagutzeko aukera izango dugu. Ekimen honek mundu osoko talentu ekintzailea Euskadiko elikagai eta nekazaritza ekosistemarekin konektatzen du.
Saioan zehar, startup bakoitzak pitch labur bat egingo du bere balio-proposamena aurkezteko eta elikaduran, jasangarritasunean, bioteknologian, nekazaritza adimendunean eta ekonomia zirkularrean garatzen ari diren berrikuntzak partekatzeko. Nekazaritza-hondakinetatik sortutako bioongarrietatik hasi eta perretxikoak hazteko adimen artifizialeko soluzioetara, urruneko nekazaritzarako IoT sentsoreetara edo osasun nutrizionalarekin lotutako teknologia berrietara arteko proiektuak ezagutuko ditugu.
Aukera paregabea izango da foodtech eta agro sektoreetan sortzen ari diren joerak ezagutzeko, herrialde ezberdinetako ekintzaileekin harremanak sortzeko eta kafe baten eta gosari baten bueltan elkarrizketa berriak sustatzeko.
