Berrikuntzako prestakuntza: Talentua sustatzen duten antolaketa-egituren azterketa eta definizioa

Innobasquek berrikuntzari buruzko prestakuntza-programaren barruan antolatu du ikastaro hau. Joseba Álava (ieTeam Consultoreetako Aholkularitza arduraduna) eta Kepa Pera (ieTeam Consultoreetako aholkularia) emango duten ikastaroa 10 langile baino gehiago dituzten ETEei zuzenduta dago, talentuaren kudeaketa egituraketa eraginkorren bidez indartu nahi duten enpresentzat. Rolak aztertuz eta birdiseinatuz, funtsezko tresnak lantzen dira: lanpostuen deskribapena eta balorazioa, talentuaren plangintza estrategikoa, errendimenduaren ebaluazioa eta prestakuntza-planak. Helburua da antolaketa-arkitektura helburu estrategikoekin lerrokatzea, soldata-ekitatea hobetzea eta erabakiak hartzea erraztea ingurune aldakorretan. Gainera, jarraipen-saio pertsonalizatua eskaintzen zaie interesa duten enpresei.